Sırek kezdesetin tostaǵan 18 mln. AQSh dollaryna satyldy
ASTANA. 9 qazan. QazAqparat - Gonkongte ótken bássaýdada sırek kezdesetin aqshyl kók tostaǵan 18 mln. AQSh dollaryna satyldy.
Bul erekshe keramıkalyq óner týyndysy XV ǵasyrdyń ortasynda Qytaı ımperatory Chjý Tszıanshen bıligi kezinde jasalǵan. Aýktsıondy uıymdastyrýshylardyń aıtýynsha, eki jaǵynan birdeı órnek túsken tostaǵan Mın áýletiniń eń basty buıymdarynyń biri bolyp tabylady. «Saraı tostaǵany» degen atqa ıe bolǵan ydys kóptegen jyldar boıy jeke kollektsııa jııýshynyń qolynda bolyp kelgen. Sondaı-aq, uıymdastyrýshylar bul Qytaı óneriniń kollektsııasyn jınaýshylar úshin erekshe múmkindik ekendigin aıtýda. Bássaýdaǵa tigilgen taǵy bir qundy zat - Tan dınastııasy kezinen kele jatqan Býddanyń basy. Kóne Qytaı dinı óneriniń músini 30 mln. AQSh dollaryna satyldy. Bul týraly 24 kz. habarlady.
