Sırek kezdesetin ósimdikterdiń tamyryn jınap júrgen eki adam ustaldy - UQK

TALDYQORǴAN. QazAqparat - Almaty oblysynda shekaralyq rejımdi buzǵan Qazaqstan Respýblıkasynyń eki azamaty ustaldy, dep habarlaıdy QazAqparat Ulttyq qaýipsizdik komıtetine silteme jasap.

Kórsetilgen adamdar sırek kezdesetin ósimdikterdi jınaýmen aınalysqan. Olardy tekserý barysynda ósimdik qazý quraldary men 2,5 kg astam «aqshyl sepkilgúl» tamyry tabyldy.

«Qazirgi ýaqytta ýákiletti organdar alynǵan tamyrlarǵa saraptama jasaýda. Ósimdiktiń túri rastalǵan jaǵdaıda quqyq buzýshylar QR QK 339-baby «Sırek kezdesetin jáne joǵalyp ketýge jaqyn, sondaı-aq paıdalanýǵa tyıym salynǵan ósimdikterdi nemese janýarlardy, olardyń bólshekteri men ónimderin zańsyz alý» boıynsha jaýapkershilikke tartylady» delingen habarlamada.