Sırek kezdesetin qustardy Aqtóbege jetkizbek bolǵan OQO turǵyny ustaldy
ASTANA. QazAqparat - 2017 jylǵy 31 qazan kúni saǵat 19-25-ter shamasynda Qyzylorda oblystyq Іshki ister departamentiniń Jergilikti polıtsııa qyzmetiniń jol-patrýldik polıtsııa rotasynyń qyzmetkerleri kúdikti «LADA Largus» markaly avtokóligin toqtatty. Tekserý barysynda avtokólik ishinen mataǵa oralǵan 2 dana ıtelgi qusyn tabyldy, dep habarlaıdy oblystyq ishki ister departamentiniń baspasóz qyzmeti.
Atalǵan qustardy zańsyz tasymaldaǵany úshin Ońtústik Qazaqstan oblysynyń 28 jastaǵy turǵyny ustaldy.
Atalǵan derek sotqa deıingi tergep-tekserýdiń biryńǵaı tizilimine Qazaqstan Respýblıkasy Qylmystyq kodeksiniń 339-baby (ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) boıynsha tirkelip, tıisti tergeý amaldary júrgizilýde.
Ustalǵan azamattyń kinási dáleldengen jaǵdaıda, úsh myń aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne úsh jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady.
