Sırek kezdesetin kólik nómiri aýktsıonda 44 myń dollarǵa satyldy
NUR-SULTAN. QazAqparat - Anglııada júrgizýshiler men kólik quraldaryna lıtsenzııa beretin agenttik (DVLA) aýktsıonynda sırek kezdesetin «37 0» avtomobıl nómiri burynǵy baǵasynan eki ese qymbatqa (44,5 myń $) satyldy. Bul jaıly seısenbi kúni Daily Express basylymy jarııalady.
Agenttik jyl saıyn avtomobıl nómirlerin satý boıynsha shamamen alty ret aýktsıon ótkizedi, al baǵalary £130-dan bastalady. Oǵan ınternet nemese telefonnyń kómegimen barlyq adam qatysa alady. Ázirge bes jyl buryn 676 myń dollarǵa satylǵan «25 0» nómiri eń qymbat nómir sanalady.
DVLA málimetine súıensek, turaqty lıtsenzııalyq aýktsıondar kóptegen tilek bildirýshilerdi ózine tartady. 1990 jyldan bastap olar memlekettik bıýdjetke birneshe mıllıard fýnt tabys ákelgen.
