Sırek kezdesetin kóbelekterdi óltirgen brıtandyqtyń basyna qara bult úıirildi
ASTANA. QazAqparat - Brıstoldyq Fılıp Kallen Anglııanyń batysynda Golýbıanka arıon kóbelekterin aýlap, keıinnen olardy óltirip, óziniń kollektsııasyna shyny astyna jınaǵan. Polıtsııa Kallenniń úıinde tintý júrgizip, kóbelekteri bar 30 jaımany tapty.
Brıtandyqty kóbelekterdi aýlaǵany, óltirgeni jáne saqtaǵany úshin kináli dep tanydy. BAQ-tyń deregi boıynsha, bul Ulybrıtanııadaǵy osy sıpattaǵy alǵashqy jaǵdaı.
Bul kóbelekter Reseıde, sondaı-aq Shyǵys Qazaqstan, Mońǵolııa, Qytaıdyń soltústik-shyǵysy men Koreıada bar. 1979 jyly Ulybrıtanııada kóbelekter jappaı joǵalǵan. 1980 jyly olardy Shvetsııadan aldyrǵan. Onyń taralymyn qalpyna keltirý úshin shırek ǵasyr qajet boldy.
