Sırek kezdesetin aorta anevrızmasy bar naýqasqa aqtaýlyq kardıohırýrgter kúrdeli ota jasady
9 aqpanda Mańǵystaý oblystyq kópbeıindi aýrýhanasynyń jedel járdem bólimine shuǵyl túrde 2004 jyly týǵan naýqas tústi. Ol bas jáne júrek aýrýyna shaǵymdanyp kelgen.
«Naýqastan kompıýterlik tomografııa kezinde De Bekey 1-tıpi boıynsha aorta anevrızmasy anyqtaldy. Shuǵyl Bentall-de Bono operatsııasy jasaldy. ıAǵnı, ota kezinde naýqastyń qolqa qaqpaqshasy jáne kóterilý qolqasy aýystyryldy. Operatsııa sátti aıaqtaldy. Úsh kún jansaqtaý bóliminde jatyp, sodan keıin kardıohırýrgııa bólimine aýystyryldy. Al keshe ońaltý jáne medıtsınalyq ońaltý bólimine shyǵaryldy. Qazir naýqas ońaltý jattyǵýlaryn jasap jatyr. Endi bir aıdan keıin Astanaǵa keýde qýysyna aortalyq stent salýǵa barady. Bul - operatsııanyń ekinshi bólimi, - deıdi oblystyq aýrýhananyń júrek-qan tamyrlary hırýrgııasy bóliminiń kardıohırýrgy Asylbek Ánetov.
Qolqanyń dıssektsııasy (dısektsııalyq aorta anevrızmasy) – qolqa qabyrǵasynyń ishki qabaty jarylyp, ishki jáne syrtqy qabattary arasynda qan aǵyp, syrtqy qabattyń jarylýyna ákeledi.
«Bul - ómirge óte qaýipti aýrý. Ýaqyt sozyp júrse, aýrýdan aman qalýy ekitalaı. Eger bul qolqanyń ishki jarylýy bolsa, onda ish qýysy qanǵa tolady. Al anevrızma jarylǵannan keıin durys dıagnoz, tıisti em-dom taǵaıyndalmasa, naýqastyń ortasha ómir súrý uzaqtyǵy - 11 saǵat», - deıdi dáriger.
Aıta keteıik, josparly operatsııalar mindetti medıtsınalyq saqtandyrý, al shuǵyl ota medıtsınalyq kómektiń kepildik berilgen kólemi boıynsha júrgiziledi.