Sırek kezdesedi: almatylyq dárigerler naýqastyń júregindegi isikti alyp tastady
ALMATY. KAZINFORM – Almatylyq kardıologtar sırek kezdesetin júrek aýrýyna operatsııa jasady.
Almaty qalalyq kardıologııalyq ortalyqqa naýqas ortalyqqa entigý men aýa jetispeýshiligine shaǵymdanyp tústi. Ehokardıografııa nátıjesinde sol jaq júrekshede kólemi 6×4 sm bolatyn isik anyqtaldy.
– Sırek kezdesetin júrektegi mundaı isikti dári-dármekpen emdeý múmkin emes, sondyqtan shuǵyl operatsııa jasaý qajet boldy. Operatsııa sátti ótti. Іsik tolyq alynyp, júrekishilik qanaınalym qalpyna keltirildi. Kelesi kúni patsıent eshqandaı sımptomdarsyz júre bastady, keıin úıine shyǵaryldy,– dep habarlady densaýlyq saqtaý mınıstrliginen.
Ortalyq dárigerleriniń aıtýynsha, mundaı jaǵdaılar der kezindegi dıagnostıka men bilikti medıtsınalyq kómektiń qanshalyqty mańyzdy ekenin eskertedi.
Osyǵan deıin Almatyda Shvetsııadan kelgen dáriger 7 qazaqstandyqqa tegin operatsııa jasaǵan bolatyn.