Almatyda jol erejesin buzǵan bir top moped júrgizýshisi jazalandy
ALMATY. KAZINFORM - Áleýmettik jelide jol erejesin óreskel buzǵan moped júrgizýshileriniń beınejazbasy tarady.
Jelidegi beınerolıkterden moped tizgindegen bir top júrgizýshisiniń baǵdarshamnyń qyzyl túsine ótip ketkenin kórýge bolady. Taǵy bir beınejazbada moped júrgizýshileriniń toby kólikpen kirýge tyıym salynǵan Arbat aımaǵynda emin-erkin júrgeni beınelengen.
Almaty qalasynyń Polıtsııa departamenti jol erejesin buzǵan moped júrgizýshilerin ustalǵanyn habarlady.
- Olarǵa qatysty QR ÁQbK-niń 615, 620 baptary boıynsha ákimshilik hattamalar toltyryldy. Mopedter arnaıy aıyppul turaǵyna jetkizildi, - dep habarlady departamentten.
Odan bólek Almaty polıtsııa moped júrgizýshilerine 5 sáýirge deıin tirkelý qajettigin eskertti.
Eske salaıyq, buǵan deıin 5 sáýirden keıin mopedterin tirkemegenderge qandaı jaýapkershilik kózdelgenin jazǵanbyz.