Syrdarııada seń júrip jatyr

QYZYLORDA.KAZINFORM – Qyzylordada kúnniń kúrt jylynýyna baılanysty seń júre bastady.

Mamandar Syrdarııa ózeni men sý sharýashylyǵy nysandaryndaǵy jaǵdaı turaqty, kúndelikti baqylaýda ekenine sendirip otyr.

– Ózenniń ońtústik jáne ortalyq bólikteri muzdan tolyq tazardy. Aral jáne Qazaly aýdandarynyń aýmaǵynda tolyq muz ustasyp tur. Al Qarmaqshy aýdany aýmaǵynyń 90% bóligi muzdan tazardy, – dedi «Qazsýshar» RMK oblystyq fılıaly dırektorynyń orynbasary Aıdos Asanbaev.

Sý tasqyny qaýpiniń aldyn alý maqsatynda ótken kúz-qys mezgilderinde osal qorǵanys bógetteriniń 5,4 shaqyrymy nyǵaıtyldy.

– Naýryz aıynda ózen ıirimderindegi muzdy qaýipsiz ótkizý úshin de 13,2 myń baý qamys, qada sııaqty 3,1 myń ınertti materıaldar qory jınaqtaldy. Sonymen qatar 10,1 tonna dızel otyny, 2,5 tonna benzın jáne qum toltyrýǵa arnalǵan 3,5 myń qap daıyn. Respýblıkalyq menshiktegi strategııalyq mańyzy bar 4 sý toraby tranzıttik rejımde jumys istep tur, – dedi Aıdos Asanbaev.

Buǵan deıin biz SQO-da ózenderde muz jarý jumysy júrgizilip jatqanyn habarlaǵanbyz.