Syrany mindetti tańbalaý merzimderi keıinge qaldyrylmaq

ASTANA. KAZINFORM — Bul sheshim tańbalaý júıesin sapaly ári turaqty engizýdi qamtamasyz etý, sondaı-aq bıznes pen tutynýshylar úshin yqtımal teris saldardy barynsha azaıtý maqsatynda qabyldanǵan. 

— Merzimderdi aýystyrýdyń negizgi sebepteriniń biri — naryq qatysýshylarynyń tehnıkalyq jáne uıymdastyrýshylyq daıyndyǵy. Bıznes-qoǵamdastyq tarapynan syra ónimderin mindetti tańbalaýdy keıinge qaldyrý týraly usynystar túsken. Qosymsha ýaqyt IT-sheshimderdi ıntegratsııalaýǵa, kodtardy jaǵý jáne skanerleý protsesterin testileýge, sondaı-aq ónim jetkizilimderindegi irkilisterdiń aldyn alýǵa múmkindik beredi, — delingen qujatta. 

Sonymen qatar tańbalaýdy kezeń-kezeńimen engizý tutynýshylar úshin taýar tapshylyǵy men baǵanyń negizsiz ósýine jol bermeýge baǵyttalǵan. Bul assortımenttiń ýaqytsha qysqarýyn jáne jetkizilimderdegi úzilisterdi boldyrmaýǵa yqpal etedi.

Mınıstrlik málimetinshe, syrany mindetti tańbalaý memlekettik saıasattyń basym baǵyttarynyń biri bolyp qala beredi. Merzimderdi keıinge qaldyrý reformany toqtatpaıdy, kerisinshe ony tıimdi iske asyrýǵa jaǵdaı jasaıdy. Nátıjesinde zańsyz aınalym kólemi qysqaryp, salyq túsimderi artady jáne naryqta adal básekelestik orta qalyptasady dep kútilýde.

Eske sala keteıik, 2026 jylǵy 1 aqpannan bastap Qazaqstanda Saýda jáne ıntegratsııa mınıstrliginiń buıryǵyna sáıkes syra qaınatý ónimderin tsıfrlyq tańbalaý kezeń-kezeńimen engizý bastalady.

Sonymen qatar Qazaqstanda syrany tańbalaý júıesi qalaı iske asatynyn jazǵanbyz.