Syr óńirindegi Bábish mola, Jankent, Syǵanaq qalashyqtaryna qazba jumysy júrgiziledi
QYZYLORDA. KAZINFORM — Qyzylorda oblysynda 483 tarıhı-mádenı mura nysany memleket qorǵaýyna alynǵan.
Oblystyq tarıhı jáne mádenı eskertkishterdi qorǵaý jónindegi mekemeniń málimetinshe, onyń 31-i respýblıkalyq, 398-i jergilikti mańyzy bar tarıh jáne mádenıet eskertkishteriniń memlekettik tizimine engen. Qalǵany aldyn ala esepke alynǵan tarıhı-mádenı mura nysandarynyń qatarynda.
— Bıyl oblys ákimdiginiń qoldaýymen birqatar joba júzege asyrylady. Atap aıtsaq, ejelgi órkenıet oshaqtary sanalatyn saqtardyń ortalyǵy Bábish mola, oǵyzdardyń ordasy Jankent jáne qypshaq, qazaq handyqtarynyń astanasy bolǵan Syǵanaq qalashyqtarynda arheologııalyq qazba júrgiziledi. Sonymen qatar respýblıkalyq jáne jekelegen uıymdar esebinen Jańaqorǵan aýdanyndaǵy Syǵanaq, Qazaly aýdanyndaǵy Kesken kúıik qalashyqtaryna arheologııalyq zertteý júrgizý josparlanyp otyr. Mádenıet jáne aqparat mınıstrliginiń josparyna sáıkes bıyl respýblıkalyq bıýdjet esebinen Syǵanaq qalashyǵy men Baqatam kesenesi restavratsııadan ótkiziledi, — dedi mekeme basshysy Erǵazy Aldanazarov.
Buǵan deıin biz Taldyqorǵan qalasy aýmaǵynda ornalasqan Tasbaqa taýy arheologııalyq kesheni resmı túrde qorǵalatyn tarıhı-mádenı nysandar tizimine engizilgenin jazǵanbyz.
