Syr elinde «Úsh dáýirdiń astanasy – Qyzylorda» atty respýblıkalyq aıtys ótti
QYZYLORDA. KAZINFORM – Qyzylordada qalanyń Qazaq avtonomııaly keńestik sotsıalıstik respýblıkasynyń astanasy bolǵanyna 100 jyl tolýyna oraı «Úsh dáýirdiń astanasy – Qyzylorda» atty respýblıkalyq aqyndar aıtysy ótti. Bul týraly oblystyq mádenıet, arhıvter jáne qujattama basqarmasynyń baspasóz qyzmeti habarlady.
Tarıh betterindegi aıtýly oqıǵalardy jyrǵa qosyp, eldiń ótkeni men búginin jas urpaq jadynda jańǵyrtýdy maqsat etken jyr dodasyna respýblıkanyń túkpir-túkpirinen 12 aqyn qatysty.
Aıtysty aqyn, Qazaqstannyń eńbek sińirgen qaıratkeri, Májilis depýtaty Amanjol Áltaev júrgizdi. Al qazylar alqasynyń quramynda Qazaqstannyń eńbek sińirgen qaıratkeri, «Parasat» ordeniniń ıegeri Saýytbek Ábdirahmanov, KSRO halyq artısi, KSRO memlekettik syılyǵynyń ıegeri, Qazaqstannyń Eńbek Eri Asanáli Áshimov, aqyn, Qazaqstannyń eńbek sińirgen qaıratkeri, «Qurmet», «Parasat» ordenderiniń ıegeri Júrsin Erman jáne taǵy basqalar boldy.
– Aıtys qorytyndysy boıynsha Jansaıa Mýsına jáne Bekarys Shoıbek
arnaıy júlde ıegeri atansa, júldeli ІІІ oryndy Maqsat Aqanov pen Rústem Qaıyrtaı, ІІ oryndy úsh dúrkin «Altyn dombyra» ıegeri Muhtar Nııazov, І oryndy Meıirbek Sultanhan ıelendi. Bas júldeni Sara Toqtamysova qanjyǵalady, - delingen habarlamada.
Buǵan deıin biz 100 jyl buryn Qyzylorda astana atanǵanda qala halqynyń sany qansha bolǵanyn jazǵan edik.