Depýtattar endi proportsıonaldy júıe qaǵıdatymen saılanady — Qasym-Jomart Toqaev

QYZYLORDA. KAZINFORM — Aımaqtarda majorıtarlyq júıeni saqtap qalý kerek dep oılamyn. Bul týraly Ulttyq quryltaıdyń V otyrysynda Memleket basshysy Qasym-Jomart Toqaev málim etti.

— Usynystardyń úshinshi bóligi jańa Parlamentti jasaqtaý tártibi týraly boldy. Depýtattar endi proportsıonaldy júıe qaǵıdatymen saılanady. Mundaı tásil saıası partııalardyń ınstıtýtsıonaldyq rólin kúsheıtedi. Sondaı-aq olardyń qoǵam aldyndaǵy jaýapkershiligin arttyrady. Keıbir partııalar Parlamentpen qatar barlyq deńgeıdegi máslıhattardy proportsıonaldy júıemen jasaqtaýdy usynǵanyn bilemin. Biraq aımaqtarda majorıtarlyq júıeni saqtap qalý kerek dep oılamyn, — dedi Qasym-Jomart Toqaev.

Osyǵan deıin Prezıdent Syr boıy naǵyz eńbek adamdarynyń mekeni ekenin aıtty.