«Syr eli — jyr elinde» termeshiler referendýmǵa qatysty
QYZYLORDA. KAZINFORM — Respýblıkalyq refrendým aıasynda Qyzylorda oblysy Qarmaqshy aýdany Daýylkól aýyldyq okrýgindegi № 109 saılaý ýchaskesinde aqyn-jyraýlar daýys berdi.
El aýzynda «Syr eli — jyr eli» dep tanylǵan Qyzylorda oblysynyń Qarmaqshy aýdanyndaǵy Turmaǵambet aýyly dańqty jyraýlarymen tanymal.
Bul ólkeden Eshnııaz sal, Kete Júsip, Turmaǵambet, Shoraıaqtyń Omary, Jıenbaı jyraý sııaqty dańǵaıyr 100 aqyn-jyraý shyqqan.
Ónerli ólkeniń turǵyndary búgin de respýblıkalyq refrendýmda daýys berip jatyr. Ýchaskede daýys berýdi aýyldyń jyraýlary bastady.
Záýre Káribaeva, Dinıslam Toqsanbaev bastaǵan termeshiler jyrdan shashý shashty.
«El ómirindegi mańyzdy sharada óz tańdaýymyzdy jasadyq. Jergilikti turǵyndarǵa kontserttik bańdarlama usyndyq», — deıdi olar.
Eske salsaq, munyń aldynda Qyzylorda oblysynda 103 jastaǵy maıdanger tańdaýyn jasaǵan edi.
