SIPRI: Sońǵy bes jylda alǵash ret álemde qarý saýdasy ósti
ASTANA. QazAqparat - 2016 jyly AQSh qarý satýdan álem boıynsha kósh bastady. Ekinshi orynda Ulybrıtanııa, úshinshi orynda - Reseı tur, dep habarlaıdy Deutsche Welle .
2016 jyly jahandyq qarý naryǵy sońǵy bes jylda alǵash ret artty: Jahandyq qarý saýdasy 2015 jylmen salystyrǵanda 1,9 paıyzǵa, al 2002 jylmen salystyrǵanda 38 paıyzǵa ósti.
Muny Stokgolm álem máselelerin zertteý ınstıtýtynyń (SIPRI) 11 jeltoqsan, dúısenbi kúni jańartylǵan jańa málimetteri rastaıdy.
Baıandamada málimdengendeı, álemniń 100 iri qorǵanys kontserniniń jıyntyq saýdasynyń kólemi («Top-100») 2016 jyly 374,8 mlrd dollardy qurady.
Sonymen qatar, bul kórsetkishte álemdik kóshbasshy retinde AQSh óz ornyn saqtap qaldy: 2016 jyly amerıkalyq kásiporyndar áskerı ónimder satylymyn 4 paıyzǵa arttyryp, 217,2 mlrd dollarǵa qol jetkizdi.
