Sıntetıkalyq esirtki qaýip tóndirip tur – ІІM

NUR-SULTAN. QazAqparat – Ótken táýlikte respýblıka aýmaǵynda 3 378 qylmys pen quqyq buzýshylyq tirkeldi. Bul týraly QR Іshki ister mınıstrliginiń resmı ókili Nurdildá Oraz aıtty, dep habarlaıdy QazAqparat tilshisi.

«Ótken aptada 3 378 qylmys pen quqyq buzýshylyq tirkeldi. Іshki ister organdary qyzmetkerleriniń jedel áreket etýi nátıjesinde 2 199 qylmys ashyldy. Urlyq faktileri ádettegideı qylmystyń basym úlesin quraıdy. Ótken aptada 1 274 urlyq tirkeldi. Onyń 530 izi sýymaı ashyldy», - dedi mınıstrliktiń Facebook paraqshasynda ótken brıfıng barysynda.

Sonymen qatar, resmı ókil ótken aptada esirtki saýdasyna qatysty 164 qylmystyń tirkelgendigin aıtty.

«Bul statıstıkada sıntetıkalyq esirtkiniń taralýyn problemasyn aıryqsha atap ótken jón. Búgingi brıfıng aıaqtalǵannan keıin «Qaýipti. Sıntetıka» dep atalatyn fılm kórsetiletin bolady. Úsh jyldyń ishinde ol geroındi yǵystyryp shyǵardy. Buǵan qosa, áli kúnge deıin sıntetıkalyq esirtkige táýeldilerdi esepke alý júrgizilmeı keledi», - dedi Nurdildá Oraz.