Sıntetıkalyq esirtki satqan 2 qylmystyq top ustaldy
ASTANA. KAZINFORM – «Qarasora-2024» operatsııasy nátıjesinde zańsyz aınalymnan 21,5 tonna esirtki alyndy. Bul týraly ІІM resmı ókili Shyńǵys Álekeshev málim etti.
«1 maýsym men 31 qazan aralyǵynda respýblıka aýmaǵynda «Qarasora-2024» keń aýqymdy jedel aldyn alý is-sharasy ótkizildi. Operatsııa quramynda esirtki bar ósimdikterdi ósirý faktilerin anyqtaýǵa, jasyryn egistikter jáne plantatsııalardy joıýǵa baǵyttalǵan. Іs-shara barysynda 1 607 esirtki qylmysy anyqtaldy. Rnyń ishinde: 799 satý faktisi, esirtkini zańsyz saqtaýdyń 194 faktisi, 245 ósirý faktisi. Zańsyz aınalymnan 21,5 tonna esirtki tárkilendi. Onyń ishinde: 1,5 keliden astam geroın, shamamen 4,5 tonna marıhýana, 200 keliden astam gashısh, 187 keli sıntetıka, 16 tonnadan astam kannabıs ósimdigi tárkilendi jáne quramynda esirtki bar ósimdikterdiń 180 myń butasy anyqtaldy», - dedi ol mınıstrdiktiń baspasóz qyzmeti alańynda ótken brıfıngte.
Onyń málimetinshe, operatsııa barysynda polıtsııa eki uıymdasqan qylmystyq toptyń áreketine tosqaýyl qoıdy.
«Qaraǵandy oblysynda uıymdasqan top anyqtaldy. 15 kúdikti ustaldy. Olar «mefedrondy» Telegram arqyly satqan. Qazirgi ýaqytta tergeý jalǵasýda. Almatyda 5 adamnan turatyn uıymdasqan top áshkerelendi. Bular da ınternet-resýrstardyń kómegimen sıntetıkalyq esirtki satýmen aınalysqan. Tintý kezinde kúdiktilerden 20 keli «mefedron» jáne 750 keli prekýrsor tárkilendi», - dedi Shyńǵys Álekeshev.
