Sıntetıka esirtki saqtady dep aıyptalǵan atyraýlyqtan tapansha men pyshaq tabyldy
ATYRAÝ. KAZINFORM — Atyraýda 21 jastaǵy jigit sıntetıkalyq esirtki tasymaldaý kúdigimen ustaldy. Tekserý kezinde kúdiktiden esirtki oramalary, tapansha men jınalmaly pyshaq tárkilendi.
Atyraý oblystyq polıtsııa departamentiniń baspasóz qyzmetinen málim etkendeı, kúdiktiniń sıntetıkalyq esirtkini satýǵa daıyndap qoıǵany anyqtalǵan.
«Ekstremızmge qarsy is-qımyl basqarmasynyń qyzmetkerleri asa iri kólemdegi sıntetıkalyq esirtkini saqtady degen kúdikpen 21 jastaǵy atyraýlyqty ustady. Tintý, aıǵaq zattardy tekserý kezinde kúdiktiden Retay markaly tapansha, jınalmaly pyshaq tabyldy. Kúdiktiniń Atyraý qalasynyń aýmaǵynda sıntetıkalyk esirtkini jasyrǵan birneshe meken-jaı anyqtaldy. Satýǵa daıyndalǵan esirtki oramalary tárkilendi», -dep habarlady departamenttiń baspasóz qyzmeti.
Qazir 21 jastaǵy kúdikti qamaýǵa alyndy.
«Sotqa deıingi tergeý bastaldy. Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy», -dep málim etti departamenttiń baspasóz qyzmetinen.
Eske sala ketelik, buǵan deıin Atyraýda kórshi óńir turǵyndarynan esirtki men tapansha tárkilengenin habarlaǵan edik.
Sondaı-aq, BQO men Aqmola oblysynyń turǵyny Atyraýda esirtkini tyǵyp satpaq bolǵan.
