Sınoptıkterdiń jeksenbige arnalǵan aýa raıy boljamy
ASTANA. QazAqparat - 16 qyrkúıek antıtsıklonnyń áserinen Qazaqstannyń basym bóliginde kún raıy ashyq, tek elimizdiń soltústiginde, batysynda jáne shyǵysynda frontaldyq bólikterdiń ótýine baılanysty jańbyr jaýyp, naızaǵaı bolady, dep habarlaıdy Qazgıdromet.
Keı jerlerde jel kúsheıip, ońtústikte jáne batysta shańdy daýyl soǵady. Elimizdiń soltústiginde, soltústik-batysta, ortalyǵynda jáne shyǵysynda túnde jáne tańerteń tuman kútiledi
Shyǵys Qazaqstan, kúndiz Batys Qazaqstan, Mańǵystaý oblystarynyń keı jerlerinde naızaǵaı oınap, jel 15-20 m/s kúsheıedi.
Qyzylorda, Atyraý oblystarynyń kúndiz keı jerlerinde jel 15-20 m/s kúsheıip, shańdy daýyl turady.
Soltústik Qazaqstan, Pavlodar oblystarynyń keı jerlerinde tuman túsedi, kúndiz jel 15-20 m/s jetedi.
Jambyl, kúndiz Túrkistan oblystarynyń keı jerlerinde jel 15-20 m/s kúsheıedi.
Túnde Almaty oblysynyń Jalańashkól aýdanynda jel 15-20 m/s kúsheıedi. Qostanaı, túnde jáne tańerteń Qaraǵandy oblystarynyń keı jerlerinde tuman túsedi.
Qyzylorda, Túrkistan, Mańǵystaý oblystarynda, Jambyl, Atyraý, oblysynyń basym bóliginde, Batys Qazaqstan, Aqtóbe jáne Qaraǵandy oblystarynyń keı jerlerinde joǵary órt qaýipi saqtalady.
