Sınoptıkterdiń taıaý úsh kúndegi aýa raıy boljamy
ASTANA. Qazaqparat - «Qazıgdromet» RMK 2-4 naýryz kúndergi aýa raıyn habarlady.
«Sýyq arktıkalyq aǵyn Qazaqstannyń ońtústik, soltústik oblystaryna aralasady. Onyń yqpalymen respýblıkanyń shyǵysynda taıaý táýlikte qar jaýady. Ońtústikte de 2 naýryzda qar jaýady dep kútilýde. 2 jáne 3 naýryzda eldiń ońtústik-shyǵysynda taýly jerlerde qalyń qar túsedi. Keı jerlerde tuman túsip, kóktaıǵaq bolady, temperatýra 1-3ºS normadan tómen», - delingen habarlamada.
Respýblıkanyń qalǵan aımaǵy antıtsıklon yqpalynda bolady, sondyqtan aspan ashyq, jaýyn-shashynsyz bolady, aýa temperatýrasy klımattyq normadan 3-7ºS joǵary.
