Sınoptıkterdiń senbige arnalǵan aýa raıy boljamy
ASTANA. QazAqparat - «Qazgıdromet» RMK 14 shildege arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyń ótýine baılanysty respýblıka boıynsha keı jerlerde naızaǵaımen birge jańbyr jaýady, burshaq bolýy múmkin. Tek respýblıkanyń ońtústik-batysynda jáne ońtústiginde aýa raıy jaýyn-shashynsyz bolady. Respýblıkanyń keı aımaqtarynda jel kúsheıip, soltústikte jáne ortalyqta túnde jáne tańerteń keı jerlerde tuman túsedi.
Soltústik Qazaqstan, Qostanaı, Shyǵys Qazaqstan oblystarynda kúndiz burshaq jaýýy múmkin, keı jerlerde jeldiń jyldamdyǵy 15-20 m/s bolady.
Aqmola, Pavlodar, Qaraǵandy oblystarynyń keı jerlerinde jel 15-20 m/s, kúndiz burshaq jaýýy múmkin, túnde jáne tańerteń keı jerlerde tuman kútiledi. Sondaı-aq, Jambyl, Almaty Qyzylorda oblystarynyń keı jerlerinde jeldiń kúshi 15-22 m/s jetedi.
Atyraý oblysynyń basym bóliginde, Almaty, Jambyl, Túrkistan, Mańǵystaý, Batys Qazaqstan, Aqtóbe, Shyǵys Qazaqstan oblystarynda keı jerlerde qatty ystyq saqtalady.
