Sınoptıkterdiń Qazaqstan qalalaryndaǵy aýa sapasy týraly málimeti
ASTANA. QazAqparat - 13 qarasha kúni Qazaqstan qalalarynyń basym bóliginde meteorologııalyq jaǵdaı qolaıly bolady, dep habarlaıdy QazAqparat «Qazgıdromet» RMK-ǵa silteme jasap.
Sınoptıkterdiń málimetinshe, qolaısyz meteorologııalyq jaǵdaılar tek Qaraǵandy, Balqash jáne Temirtaý qalalarynda aýada zııandy zattardyń shoǵyrlanýyna yqpal etedi.
Al qalǵan qalalarda meteorologııalyq jaǵdaı jaǵymdy bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
