Sınoptıkterdiń boljaýynsha Qazaqstanda erekshe aptap ystyq bolady
ASTANA. QazAqparat - Elimizdiń ońtústik, ortalyq jáne shyǵys oblystarynda erekshe aptap ystyq aýa-raıy bolyp tur. Eger de respýblıkanyń shyǵysy men ortalyǵynda atmosferalyq aǵyndarǵa baılanysty qysqa merzimdi naızaǵaıly jańbyr bolyp, osynyń áserinen ystyqtyń azdap álsiregeni baıqalsa, ystyq aýa-raıy ońtústik jáne ońtústik shyǵysta áli de saqtalady, aýa temperatýrasy normadan 5-8ºS joǵary bolady.
Qazgıdromettiń habarlaýynsha, Batys Sibirdiń ústinde ornalasqan tsıklonnyń ońtústik perıferııasy Qazaqstannyń batys jáne soltústik oblystaryna áser etetin bolady. Sondyqtan, osy aımaqtyń keı jerlerinde jańbyr, naızaǵaı, qatty ekpindi jel soǵyp, burshaq jaýýy múmkin. Aýa temperatýrasy normaǵa jaqyn bolady dep boljanýda.
20 maýsymda Astanada kóshpeli bul shyǵady, alaıda jaýyn-shashyn bolmaıdy. Batys, ońtústik batystan soqqan jeldiń ekpini 9-14 m/s bolady.Túnde aýa temperatýrasy +15+17 °S, kúndiz +28+30.
Almatyda 20 maýsymda kóshpeli bul turady, naızaǵaıly jaýyn búrkip ótedi. Jel 2-7, jańbyr kezinde ekpini 10 m/s-ge jetedi. Aýa temperatýrasy túnde +19+21°S, kúndiz +30+32°S bolady.
