Sınoptıkterdiń boljamy boıynsha, Qazaqstannyń kóp jerinde boran soǵady
ASTANA. Jeltoqsannyń 22-si. QazAqparat - Sınoptıkterdiń boljamy boıynsha, Qazaqstannyń ońtústigi men ońtústik-batysynda tuman, kóktaıǵaq jáne qatty jel, al soltústik pen shyǵys aımaqta - boran jáne kóktaıǵaq bolady,
dep habarlady seısenbi kúni Tótenshe jaǵdaılar mınıstrliginen.
Respýblıkanyń barlyq aýmaǵyndaǵy aýa raıyn atmosferalyq frontaldyq aǵyndar anyqtaıtyn bolady. Tek respýblıkanyń soltústigi ǵana sýyq antıtsıklonnyń áserine ushyraıdy.
Atap aıtqanda, Atyraý, Mańǵystaý, Almaty, Jambyl, Ońtústik Qazaqstan oblystarynda, túnde Qyzylorda oblysynyń jerlerinde tuman túsedi, kóktaıǵaq bolady, 15-20 metr/sekýnd jyldamdyqpen jel soǵady.
Batys Qazaqstan, Aqtóbe oblystarynda, kúndiz Qostanaı oblysynda, túnde Aqmola oblysynda boran boraıdy, keı aýdandarda jeldiń jyldamdyǵy sekýndyna 15-20 metrge deıin jetedi dep boljanýda.
Pavlodar jáne Shyǵys Qazaqstan oblystarynda boran bolady, jeldiń ekpini 17-22 metr/sekýndqa deıin jetedi. Al Qaraǵandy oblysynda kóktaıǵaq bolady, 15-20 metr/sekýnd jyldamdyqpen jel soǵady, boran bolady.
