Sınoptıkterdiń beısenbige arnalǵan aýa raıy boljamy
ASTANA. QazAqparat - «Qazgıdromet» RMK 4 qazanǵa arnalǵan aýa raıy boljamyn usynady, dep habarlaıdy QazAqparat.
Sınoptıkterdiń boljamyna qaraǵanda, Qazaqstannyń basym bóligine antıtsıklon yqpal etedi, biraq jaýyn-shashynsyz aýa raıy kútiledi. Tek respýblıkanyń batys bóliginde atmosferalyq fronttardyń ótýine baılanysty jańbyr jaýady.
Qazaqstannyń keı jerlerinde tuman kútiledi, jel kúsheıedi. Jambyl, Túrkistan, kúndiz jáne tańerteń Qyzylorda oblystarynyń keı jerlerinde jeldiń jyldamdyǵy 15-20 m/s kúsheıedi, Qyzylorda oblysynda shańdy daýyl soǵady.
Batys Qazaqstan, Soltústik Qazaqstan, Shyǵys Qazaqstan, Almaty oblystarynyń keı jerlerinde kúndiz jel 15-20 m/s kúsheıedi.
Atyraý, Qostanaı oblystarynyń keı jerlerinde túnde jáne tańerteń tuman túsedi.
Túrkistan, Mangystaý oblystarynda, Qyzylorda, Jambyl, Atyraý oblystarynyń basym bóliginde, Almaty, Aqtobe, Qaraǵandy oblystarynyń keı jerlerinde joǵary órt qaýipi saqtalady.
