Sınoptıkterdiń 9 sáýir kúngi aýa raıy boljamy
NUR-SULTAN. QazAqparat - 9 sáýir kúni atmosferalyq frontaldy bólikterdiń ótýine baılanysty elimizdiń ońtústik aýmaǵynda jańbyr jaýady. Keı jerlerde qatty jańbyr boljanady. Ózge óńirlerde kún raıy jaýyn-shashynsyz ótedi. Jekelegen jerlerde tuman saqtalady, ońtústikte jel jyldamdyǵynyń artýy, naızaǵaı kútiledi, burshaq jaýýy múmkin, dep habarlaıdy QazAqparat.
«Qazgıdromet» RMK málimetinshe, Túrkistan oblysynyń keı jerlerinde burshaq jaýýy múmkin, jeldiń kúshi 15-20, tańerteń jáne kúndiz 25 m/s artýy yqtımal.
Jambyl oblysynyń keı jerlerinde kúndiz burshaq jaýýy múmkin, jekelegen aýmaqtarda jeldiń ekpini 15-20 m/s jetedi.
Qyzylorda oblysynyń keı jerlerinde jeldiń jyldamdyǵy 15-20 m/s kúsheıedi.
Almaty oblysynyń Jalańashkól aýdanynda tańerteń jáne kúndiz jeldiń kúshi 20-25 m/s artady.
Aqmola, Mańǵystaý, Batys Kazaqstan, Qostanaı, Soltústik Qazaqstan, Pavlodar, Qaraǵandy, túnde jáne tańerteń Shyǵys Qazaqstan oblysynyń keı jerlerinde tuman kútiledi.
