Sınoptıkterdiń 9 aqpanǵa arnalǵan aýa raıy boljamy
ASTANA. QazAqparat - Atmosferalyq fronttardyń ótýine baılanysty 9 aqpan kúni respýblıkanyń soltústigi men shyǵysynda azdaǵan qar kútiledi. Qazaqstannyń basqa óńirlerinde jaýyn-shashynsyz aýa raıy saqtalady. Keı jerlerde tuman túsip, jel kúsheıedi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Jambyl, Qyzylorda, Shyǵys Qazaqstan oblystarynyń keı jerlerin tuman basyp, jeldiń kúshi 15-23 m/s artady.
Mańǵystaý, Batys Qazaqstan oblystarynda kúndiz jekelegen jerlerde jeldiń ekpini 15-20 m/s kúsheıedi.
Soltústik Qazaqstan, Aqmola, Pavlodar, Qostanaı, Qaraǵandy, Ońtústik Qazaqstan oblystarynyń jekelegen aýmaqtarynda tuman kútiledi.
Túnde Almaty oblysynyń keı jerlerinde tuman boljanady, Jalańashkól aýdanynda jeldiń jyldamdyǵy 18-23 m/s jetedi.
