Sınoptıkterdiń 8 shilde kúngi aýa raıy boljamy
ASTANA. QazAqparat - Atmosferalyq fronttardyń ótýine baılanysty 8 shilde kúni respýblıkanyń keı jerlerinde jańbyr jaýyp, naızaǵaı oınaıdy, burshaq bolýy múmkin. Tek ońtústikte jáne ońtústik-shyǵysta jaýyn-shashynsyz kún raıy kútiledi. Respýblıkanyń keı jerlerinde jel kúsheıip, shańdy daýyl turady. Soltústikte túnde jáne tańerteń tuman boljanady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Aqmola oblysynyń keı jerlerinde naızaǵaı oınap, kúndiz burshaq bolýy múmkin. Túnde keı jerlerinde tuman kútiledi.
Batys Qazaqstan oblysynyń keı jerlerinde naızaǵaı, daýyl, 15-20 m/s ekpindegi jel, burshaq kútiledi.
Pavlodar oblysynyń jekelegen jerlerinde naızaǵaı, 15-25 m/s jyldamdyqtaǵy jel, burshaq bolýy yqtımal.
Soltústik Qazaqstan oblysynda naızaǵaı oınap, 15-20 m/s kúshpen jel soǵady. Burshaq, sondaı-aq túnde jáne tańerteń tuman boljanady.
Qostanaı oblysynyń keı jerlerinde túnde jáne tańerteń naızaǵaı, 15-20 m/s ekpindegi jel, burshaq kútiledi.
Jambyl oblysynyń keı jerlerinde 15-20 m/s jyldamdyqpen soqqan jel shańdy daýylmen birge kóteriledi.
Aqtóbe, kúndiz Shyǵys Qazaqstan oblystarynyń keı jerlerinde naızaǵaı oınap, 15-20 m/s ekpinde jel turady.
Atyraý, Qaraǵandy oblystarynyń keı jerlerinde túnde jáne tańerteń - naızaǵaı kútiledi.
Kúndiz Jambyl, Qaraǵandy, Qostanaı, Túrkistan, Qyzylorda, Aqtóbe oblystarynda qatty ystyq kútiledi, keı jerlerde óte qatty ystyq bolady. Almaty, Atyraý oblystarynda, Aqmola, Mańǵystaý, Batys Qazaqstan, Shyǵys Qazaqstan oblystarynyń keı jerlerinde qatty ystyq kútiledi.
Sondaı-aq Atyraý, Mańǵystaý, Qyzylorda oblystarynda, Batys Qazaqstan, Aqtóbe, Túrkistan oblystarynda joǵary órt qaýpi saqtalady.
