Sınoptıkterdiń 6 mamyr kúngi aýa raıy boljamy
NUR-SULTAN. QazAqparat - 6 mamyrda atmosferalyq aǵyndardyń ótýine baılanysty respýblıkanyń batysynda jaýyn-shashyn bolady. Sondaı-aq respýblıkanyń keı jerlerinde tuman túsip, jeldiń kúsheıýi, naızaǵaı, daýyl, burshaq jaýýy múmkin, dep habarlaıdy QazAqparat »Qazgıdromet» RMK-ǵa silteme jasap.
Qyzylorda oblysynyń keı jerlerinde shańdy daýyl kútiledi, túnde keı jerlerde, kúndiz basym bóliginde, jel 15-20 m/s, kúndiz keı jerlerinde 25 m/s kúsheıedi.
Atyraý oblysynyń keı jerlerinde naızaǵaı, daýyl, jeldiń jyldamdyǵy 15-20 m/s jetedi, burshaq jaýýy mýmkin.
Batys Qazaqstan oblysynyń keı jerlerinde naızaǵaı jarqyldap, kúndiz jel 15-20 m/s kúsheıedi, burshaq túsýi yqtımal.
Jambyl, Túrkistan, Mańǵystaý, Qostanaı, kúndiz Aqtóbe oblystarynyń keı jerlerinde jel turyp, jyldamdyǵy 15-20 m/s jetýi múmkin, Mańǵystaý, Jambyl oblystarynyń keı jerlerinde tuman kútiledi.
Aqmola, túnde Almaty oblystarynyń keı jerlerinde tuman túsedi.
