Sınoptıkterdiń 5 shilde kúngi aýa raıy boljamy
ASTANA. QazAqparat - Atmosferalyq fronttardyń ótýine baılanysty 5 shilde kúni respýblıkanyń batysynda, shyǵysynda jáne ońtústik-shyǵysynda naızaǵaı oınap, ótkinshi jańbyr jaýady, burshaq bolýy múmkin. Sondaı-aq shańdy daýyl turyp, jeldiń kúsheıýi kútiledi. Soltústikte jáne ortalyqta túnde jáne tańerteń tuman boljanady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Batys Qazaqstan men Túrkistan oblystarynda, kúndiz Qyzylorda oblystarynyń keı jerlerinde shańdy daýyl turyp, jel 15-20 m/s kúsheıedi. Kúndiz Batys Qazaqstan oblysynyń keı jerlerinde daýyl, burshaq bolýy múmkin.
Aqtóbe, Qostanaı, túnde Jambyl jáne Shyǵys Qazaqstan oblystarynyń jekelegen aýmaqtarynda 15-20 m/s ekpinde jel soǵady.
Aqmola, Soltústik Qazaqstan, Qaraǵandy oblystarynyń keı jerlerinde túnde jáne tańerteń tuman kútiledi.
Kúndiz Mańǵystaý, Aqtóbe oblystarynda qatty ystyq saqtalady,
Túrkistan, Qyzylorda, Mańǵystaý, Atyraý, Batys Qazaqstan, Aqtóbe, Qostanaı, Qaraǵandy oblystarynyń keı jerlerinde búgin qatty ystyq kútiledi.
Sonymen qatar Batys Qazaqstan, Atyraý, Aqtóbe, Qyzylorda, Túrkistan, Jambyl, Almaty oblystarynda óte joǵary órt qaýpi saqtalady.
