Sınoptıkterdiń 4 mamyr kúngi aýa raıy boljamy
NUR-SULTAN. QazAqparat - 4 mamyr kúni Qazaqstannyń basym aýmaǵy antıtsıklonnyń yqpalynda bolady, soǵan baılanysty jaýyn-shashynsyz aýa raıy kútiledi. Tek batys, shyǵys jáne ońtústik-shyǵysta atmosferalyq frontaldy bólikterdiń ótýine oraı jańbyrlar saqtalady. Respýblıkanyń keı jerlerinde tuman, ekpindi jel, naızaǵaı, daýyl, burshaq, shańdy daýyl boljanady, dep habarlaıdy QazAqparat.
«Qazgıdromet» RMK aqparatyna súıensek, Qyzylorda, Soltústik Qazaqstan oblystarynyń keı jerlerinde jeldiń ekpini 25 m/s artady. Qyzylorda oblysynda shańdy daýyl kóteriledi.
Atyraý oblysynda túnde jeldiń jyldamdyǵy 23 m/s-qa, kúndiz 15-20 m/s kúsheıetini kútiledi. Keı jerlerde shańdy daýyl bolady.
Batys Qazaqstan oblysynyń keı jerlerinde burshaq jaýady, túnde jel 15-20 m/s jetedi.
Jambyl oblysynyń keı jerlerinde tuman bolyp, jel 15-20 m/s deıin kúsheıedi.
Túrkistan, Mańǵystaý, Aqtóbe, Qaraǵandy oblystarynda, kúndiz Aqmola, Qostanaı oblystarynyń keı jerlerinde jeldiń kúshi 15-20 m/s artady.
Túnde jáne tańerteń Shyǵys Qazaqstan oblysynyń keı jerlerinde tuman boljanady.
