Sınoptıkterdiń 31 qańtarǵa arnalǵan aýa raıy boljamy
ASTANA. QazAqparat - 31 qańtarda Qazaqstannyń aýa raıy antıtsıklon yqpalynda bolady, sondyqtan jaýyn-shashynsyz aýa raıy saqtalady. Elimizdiń keı jerlerinde tuman, ońtústiginde jeldiń kúsheıýi, batysynda jaıaý burqasyn kútiledi, dep habarlaıdy QazAqparat «Qazgıdromet» RMK-ge silteme jasap .
Almaty oblysynyń Jalańashkól aýdanynda jel kúsheıip, jyldamdyǵy 24-29 m/s-ge jetedi, túnde óńirdiń keı jerlerinde tuman kútiledi.
Jambyl oblysynyń keı jerlerinde tuman túsýi yqtımal, jel jyldamdyǵy 15-20, keıde 23 m/s-ge kúsheıedi.
Ońtústik Qazaqstan oblysynyń keı jerlerinde jel 15-20 m/s kúsheıýi kútiledi.
Qyzylorda, Mańǵystaýda, túnde jáne tańerteń Shyǵys Qazaqstan oblysynyń keı jerlerinde tuman kútiledi.
Batys Qazaqstan, Atyraý oblystarynyń keı jerlerinde jaıaý burqasyn kútiledi.
Almaty oblysynyń keı jerlerinde qatty aıaz saqtalady. Mańǵystaý oblysynyń keı jerlerinde qatty aıaz túsýi yqtımal.
