Sınoptıkterdiń 30 qyrkúıek kúngi aýa raıy boljamy
ASTANA. QazAqparat - 30 qyrkúıek kúni Qazaqstannyń basym bóliginde aýa raıy jaýyn-shashynsyz bolady. Respýblıkanyń batysynda ǵana keı jerlerde jańbyr kútiledi. Jekelegen óńirlerde jel, batysta jáne ortalyqta tuman men naızaǵaı boljanady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Soltústik Qazaqstan oblysynynyń basym bóliginde jel 15-20 m/s kúsheıedi, ekpini keı jerlerde 23-28 m/s artady.
Qostanaı oblysynyń basym bóliginde, sondaı-aq Aqmola, Jambyl, túnde Pavlodar oblystarynda jeldiń jyldamdyǵy 15-20 m/s kúsheıedi.
Almaty oblysynyń Jalańashkól aýdanynda jeldiń ekpini 25 m/s artady.
Qaraǵandy oblysynyń basym bóliginde, Atyraý oblysynyń keı jerlerinde túnde jáne tańerteń tuman kútiledi.
Mańǵystaý oblysynyń keı jerlerinde naızaǵaı boljanady.
Sondaı-aq Túrkistan, Qyzylorda oblystarynyń basym bóliginde, Jambyl, Almaty. Atyraý, Aqtóbe, Qaraǵandy oblystarynyń keı jerlerinde joǵary órt qaýpi saqtalady.
