Sınoptıkterdiń 29 qazanǵa arnalǵan aýa raıy boljamy
ASTANA. QazAqparat - Atmosferalyq fronttardyń ótýine baılanysty 29 qazan kúni Qazaqstannyń basym bóliginde jaýyn-shashyndy aýa raıy kútiledi. Respýblıkanyń keı jerlerinde jel kúsheıip, tuman bolady, burqasyn men kóktaıǵaq boljanady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Pavlodar, Qaraǵandy, Shyǵys Qazaqstan, Soltústik Qazaqstan oblystarynyń keı jerlerinde tuman men kóktaıǵaq bolyp, jeldiń ekpini 15-20 m/s deıin kúsheıedi. Soltústik Qazaqstan oblysynyń keı jerlerinde burqasyn kútiledi.
Aqmola men Qostanaı oblystarynyń jekelegen jerlerinde sondaı-aq tuman men kóktaıǵaq boljanady. Kúndiz jeldiń kúshi 15-20 m/s deıin artady.
Atyraý, Batys Qazaqstan, Aqtóbe oblystarynyń keı aýmaqtaryn tuman basyp, kúndiz Atyraý, Aqtóbe oblystarynda jeldiń kúshi 15-20 m/s jetedi.
Jambyl, OńtústikQazaqstan, kúndiz Qyzylorda, Mańǵystaý oblystarynda jeldiń jyldamdyǵy 15-20 m/s artady.
Almaty oblysynyń Jalańashkól aýdanynda 17-22 m/s jyldamdyqpen soqqan jeldiń ekpini 27 m/s jetýi yqtımal.
