Sınoptıkterdiń 27 jeltoqsan kúngi aýa raıy boljamy
ASTANA. QazAqparat - 27 jeltoqsan kúni elimizdiń batys jáne ońtústik-shyǵys oblystarynda qubylmaly kún raıy saqtalady. Keı jerlerde jaýyn-shashyn jaýyp, batysta túnde qatty jaýyn-shashyn kútiledi. Respýblıkanyń keı jerlerinde kóktaıǵaq, tuman, burqasyn bolyp, jel kúsheıedi, dep habarlaıdy QazAqparat.
«Qazgıdromet» RMK-nyń málimetine sáıkes, Jambyl, Qyzylorda oblystarynyń keı jerlerinde tuman, kóktaıǵaq kútiledi, tańerteń jáne kúndiz jel 15-20 m/s kúsheıedi.
Atyraý, Batys Qazaqstan oblystarynyń keı jerlerinde tuman, kóktaıǵaq bolyp, túnde jeldiń kúshi 15-22 m/s jetedi. Batys Qazaqstan oblysynyń jekelegen aýmaqtarynda burqasyn boljanady.
Mańǵystaý, Aqtóbe oblystarynyń keı jerlerinde kóktaıǵaq bolady, jeldiń ekpini 15-20 m/s artady. Aqtóbe oblysynyń jekelegen aýmaqtarynda burqasyn soǵady.
Almaty, Túrkistan, Qostanaı, Shyǵys Qazaqstan oblystarynyń keı jerlerinde tuman kútiledi. Kúndiz Túrkistan, Qostanaı oblystarynyń jekelegen aýmaqtarynda jeldiń jyldamdyǵy 15-20 m/s kúsheıedi.
Soltústik Qazaqstan oblysynyń keı jerlerinde tuman bolyp, jeldiń ekpini 15-20 m/s jetedi.
Túnde Shyǵys Qazaqstan oblysynda, Qaraǵandy oblysynyń keı jerlerinde, Almaty oblysynyń soltústiginde qatty aıaz bolýy yqtımal.
