Sınoptıkterdiń 27 qańtarǵa arnalǵan aýa raıy boljamy
ASTANA. QazAqparat - Qazaqstannyń aýa raıyn áli de antıtsıklon anyqtaýda. Sonyń áserinen 27 qańtar kúni jaýyn-shashynsyz aýa raıy saqtalady. Respýblıkanyń keı jerlerinde jeldiń kúsheıýi, tuman, jaıaý burqasyn kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Ońtústik Qazaqstan, Qyzylorda oblystarynyń keı jerlerinde 18-23 m/s ekpinmen soǵatyn jeldiń jyldamdyǵy 30 m/s kúsheıedi.
Jambyl, Mańǵystaý oblystarynyń keı jerlerinde 15-20 m/s ekpindegi jel 23 m/s artady, Jambyl oblysynyń jekelegen aýmaqtarynda jaıaý burqasyn, tuman bolady.
Qaraǵandy, Shyǵys Qazaqstan oblystarynyń keı jerlerinde tuman, 15-20 m/s ekpindegi jel boljanady.
Atyraý, Aqtóbe oblystarynda túnde 15-20 m/s jyldamdyqta jel soǵady.
Pavlodar, túnde Almaty oblysynyń keı jerlerinde tuman kútiledi.
Jambyl oblysynda - qatty, Almaty oblysynda óte qatty aıazdar saqtalady.
Ońtústik Qazaqstan oblysynyń keı jerlerinde óte qatty aıaz boljanady.
Sonymen qatar qatty aıazdar Qaraǵandy, Shyǵys Qazaqstan, Qyzylorda, Mańǵystaý, Pavlodar oblystarynyń keı jerlerinde kútiledi.
