Sınoptıkterdiń 25 qarashaǵa arnalǵan aýa raıy boljamy
ASTANA. QazAqparat - 25 qarasha kúni respýblıkanyń basym bóliginde jaýyn-shashynsyz aýa raıy kútiledi, tek ońtústikte jáne soltústik-batysta atmosferalyq fronttardyń ótýine baılanysty jaýyn-shashyn jaýady. Elimizdiń keı jerlerinde tuman túsip, kóktaıǵaq bolady, jeldiń kúsheıýi kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Almaty oblysynda túnde keı jerlerde tuman bolady, Jalańashkól aýdanynda jel 20-25 m/s-qa deıin kúsheıýi múmkin.
Jambyl oblysynyń keı jerlerin tuman basyp, kúndiz jeldiń ekpini 15-20 m/s jetedi.
Ońtústik Qazaqstan, Qyzylorda oblystarynda kúndiz jeldiń jyldamdyǵy 15-20 m/s artady.
Mańǵystaý, Aqtóbe, kúndiz Pavlodar oblystarynyń jekelegen aýmaqtarynda tuman, kóktaıǵaq kútiledi.
Batys Qazaqstan, Qostanaı, Soltústik Qazaqstan, Qaraǵandy, túnde jáne tańerteń Shyǵys Qazaqstan oblystarynyń keı jerlerinde tuman boljanady.
