Sınoptıkterdiń 22 maýsymǵa arnalǵan aýa raıy boljamy
ASTANA. QazAqparat - «Qazgıdromet» RMK 22 maýsymǵa arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndarynyń ótýine baılanysty Qazaqstannyń basym bóliginde qubylmaly aýa raıy bolyp, keı jerlerde jańbyrmen birge naızaǵaı bolady. Jeldiń kúsheıýi kútiledi, respýblıkanyń soltústiginde jáne ortalyǵynyń keı jerlerinde daýyl, burshaq bolýy múmkin.
Aqmola, Soltústik Qazaqstan, Qostanaı, Qaraǵandy oblystarynyń keı jerlerinde jel 15-20 m/s, kúndiz ekpini 25 m/s deıin soǵyp, kúndiz keı jerlerinde daýyl kútiledi, burshaq jaýýy múmkin.
Batys Qazaqstan, Aqtobe, Pavlodar, kúndiz Jambyl, Ońtústik Qazaqstan, Qyzylorda, Mańǵystaý, Shyǵys Qazaqstan oblystarynyń keı jerlerinde jeldiń jyldamdyǵy 15-20 m/s jetedi.
Almaty, Jambyl, Atyraý, Mańǵystaý, Shyǵys Qazaqstan oblystarynyń keı jerlerinde qatty ystyq kútiledi.
Mańǵystaý oblysynyń basym bóliginde, Atyraý, Aqtóbe, Qyzylorda, Ońtústik Qazaqstan, Jambyl, Shyǵys Qazaqstan oblystarynyń keı jerlerinde óte joǵary órt qaýpi kútiledi.
