Sınoptıkterdiń 22 qazan kúngi aýa raıy boljamy
ASTANA. QazAqparat - 22 qazan kúni Qazaqstannyń basym aýmaǵynda aýa raıy jaýyn-shashynsyz bolady. Respýblıkanyń tek soltústiginde tsıklonnyń ótýine baılanysty kún raıy qubylmaly bolyp, keı jerlerde jaýyn-shashyn jaýady. Jekelegen aýmaqtarda jel kúsheıip, tuman, kóktaıǵaq, burqasyn kútiledi, dep habarlaıdy QazAqparat.
«Qazgıdromet» RMK-dan málim etkendeı, Aqmola, Qostanaı, Soltústik Qazaqstan, Pavlodar jáne Qaraǵandy oblystarynyń keı jerlerinde tuman, kóktaıǵaq kútiledi, jel 15-20 m/s kúsheıedi. Qaraǵandy oblysynda túnde keı jerlerde jaıaý burqasyn júredi.
Almaty, Jambyl jáne Atyraý oblystarynyń keı jerlerinde tuman boljanady.
Túrkistan jáne Shyǵys Qazaqstan oblystarynyń jekelegen aýmaqtarynda jel 15-20 m/s kúsheıedi.
