Sınoptıkterdiń 22 qańtarǵa arnalǵan aýa raıy boljamy
ASTANA. QazAqparat - 22 qańtar kúni antıtsıklonnyń yqpalymen Qazaqstannyń basym bóliginde aýa raıy jaýyn-shashynsyz bolady. Tek eldiń batysynda, soltústik-batysynda azdaǵan qar kútiledi. Respýblıkanyń keı jerlerinde jel kúsheıip, tuman, kóktaıǵaq boljanady, soltústik-batysta jaıaý burqasyn júredi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Ońtústik Qazaqstan, Qyzylorda, Jambyl, Aqtóbe, Qostanaı, Batys Qazaqstan, Soltústik Qazaqstan, Qaraǵandy jáne Shyǵys Qazaqstan oblystarynda jekelegen jerlerde tuman kútiledi, jeldiń ekpini 15-20 m/s kúsheıedi. Qostanaı, Batys Qazaqstan oblystarynda burqasyn kóteriledi.
Aqmola oblysynda jeldiń kúshi 15-20 m/s artady.
Mańǵystaý, Pavlodar oblystarynyń keı aýmaqtaryn tuman basady.
Atyraý oblysynda tuman men kóktaıǵaq boljanady.
