Sınoptıkterdiń 22 aqpanǵa arnalǵan aýa raıy boljamy
ASTANA. QazAqparat - Atmosferalyq fronttardyń ótýine baılanysty 22 aqpan kúni Qazaqstannyń basym bóliginde qubylmaly aýa raıy saqtalady. Keı jerlerinde qar jaýyp, kóktaıǵaq kútiledi, jaıaý burqasyn bolady. Sondaı-aq respýblıkanyń basym bóliginde tuman boljanady. Bul týraly «Qazgıdromet» RMK-dan habarlady.
Atap aıtqanda, Almaty oblysynyń keı jerlerinde tuman, kóktaıǵaq bolady, Jalańashkól aýdanynda jeldiń ekpini 20-25 m/s kúsheıetini kútilýde.
Qaraǵandy, Shyǵys Qazaqstan, Aqmola oblystarynyń keı jerlerinde tuman, kóktaıǵaq, jaıaý burqasyn bolady, jel 15-20 m/s kúsheıedi, Shyǵys Qazaqstan oblysynda onyń ekpini 25 m/s jetedi.
Soltústik Qazaqstan, Pavlodar oblystarynyń keı jerlerinde jeldiń jyldamdyǵy 15-22 m/s artady, jaıaý burqasyn bolady.
Jambyl oblysynyń keı jerlerinde tuman kútiledi, túnde kóktaıǵaq bolady, jeldiń kúshi 15-20 m/s jetedi.
Ońtústik Qazaqstan, Qyzylorda, Mańǵystaý, Atyraý, Batys Qazaqstan oblystarynyń keı jerlerinde tuman boljanady, Qyzylorda oblysynda kóktaıǵaq bolady.
Qostanaı oblysynyń keı jerlerinde jaıaý burqasyn, tuman bolady.
