Sınoptıkterdiń 21 jeltoqsan kúngi aýa raıy boljamy
ASTANA. QazAqparat - 21 jeltoqsan kúni Qazaqstannyń basym aýmaǵynda aýa raıyna antıtsıklon slemi yqpal etetin bolady. Osyǵan baılanysty jaýyn-shashynsyz, aıazdy kún raıy kútiledi. Keı jerlerde tuman, kóktaıǵaq, jaıaý burqasyn, kúshti jel boljanady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Jambyl oblysynyń keı jerlerinde tuman, kóktaıǵaq, jaıaý burqasyn kútiledi. Tańerteń jáne kúndiz 15-20 m/s jyldamdyqta jel soǵady, ekpini 23 m/s kúsheıedi.
Túrkistan oblysynyń jekelegen jerlerinde tuman, jaıaý burqasyn bolady, jeldiń kúshi 15-20 m/s kúsheıedi.
Qyzylorda oblysynyń keı jerlerinde tuman boljanady. Tańerteń jáne kúndiz jel 15-20 m/s artady.
Mańǵystaý oblysynyń keı jerlerinde jel 15-20 m/s kúsheıedi.
Almaty oblysynda tuman, kóktaıǵaq bolady, kúndiz Jalańashkól aýdanynda jel 15-20 m/s jetedi.
Soltústik Qazaqstan oblysynyń keı jerlerinde tuman, kóktaıǵaq, burqasyn kútiledi, jeldiń ekpini 15-20 m/s artady.
Shyǵys Qazaqstan oblysynda keı jerlerde tuman, túnde jaıaý burqasyn kútiledi.
Aqmola, Atyraý, Batys Qazaqstan, Qostanaı, Pavlodar, Qaraǵandy oblystarynda keı jerlerde tuman bolady.
