Sınoptıkterdiń 20 qyrkúıektegi aýa raıy boljamy
ASTANA. QazAqparat - 20 qyrkúıekte Qazaqstan aýmaǵynyń basym bóliginde antıtsıklonnyń áserinen jaýyn-shashynsyz aýa raıy saqtalady, tek respýblıkanyń batysy men shyǵysynda atmosferalyq aǵyndardyń ótýine baılanysty jańbyr jaýyp, naızaǵaı oınaıdy.
Qazgıdromettiń habarlaýynsha, respýblıkanyń soltústigi men shyǵysynyń keı jerlerinde túnde jáne tańerteń tuman túsýi yqtımal.
Soltústik Qazaqstan oblysynda kúndiz jel 15-20, keı jerlerde ekpini 23-28 m/s, túnde jáne tańerteń keı jerlerde tuman bolady. Shyǵys Qazaqstan, kúndiz Aqmola oblysynyń keı jerlerinde jel 15-20 m/s kúsheıedi, túnde jáne tańerteń keı jerlerde tuman túsedi.
Kúndiz Qyzylorda oblysynyń keı jerlerinde jeldiń jyldamdyǵy 15-20 m/s jetip, shańdy daýyl turady.
Kúndiz Almaty oblysy Alakól kóli mańynda jel 17-22 m/s kúsheıedi.
Jambyl, Mańǵystaý, Atyraý, Batys Qazaqstan, Aqtóbe, Qostanaı oblystarynda, kúndiz Túrkistan oblysynyń keı jerlerinde jeldiń jyldamdyǵy 15-20 m/s jetedi.
Pavlodar oblysynda keı jerlerde tuman túsedi.
Qyzylorda, Túrkistan, Mańǵystaý, Jambyl, Atyraý oblystarynyń basym bóliginde, Batys Qazaqstan, Aqtóbe jáne Qaraǵandy oblystarynyń keı jerlerinde joǵary órt qaýpi saqtalady.
