Sınoptıkterdiń 20 qazanǵa arnalǵan aýa raıy boljamy
ASTANA. QazAqparat - Atmosferalyq fronttardyń ótýine baılanysty 20 qazan kúni Qazaqstannyń basym bóliginde jaýyn-shashyn saqtalady, tek ońtústikte jáne ońtústik-shyǵysta juma jaýyn-shashynsyz ótedi. Sondaı-aq elimizdiń keı jerlerinde jel kúsheıip, kóktaıǵaq pen tuman kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Qaraǵandy oblysynyń basym bóliginde jel 15-20 m/s deıin kúsheıedi, túnde keı ýaqytta onyń ekpini 24 m/s jetedi. Sondaı-aq jekelegen jerlerde tuman men kóktaıǵaq kútiledi.
Soltústik Qazaqstan oblysynda keı jerlerde jeldiń jyldamdyǵy 23-28 m/s artady, tuman, kóktaıǵaq boljanady.
Pavlodar oblysynda kúndiz jeldiń kúshi 25 m/s jetýi yqtımal.
Shyǵys Qazaqstan oblysynyń keı jerlerinde 15-20 m/s-pen soqqan jeldiń ekpini 23-28 m/s jetedi.
Qostanaı oblysynda jeldiń jyldamdyǵy 15-23 m/s kúsheıip, keı jerlerde tuman, kóktaıǵaq bolady.
Aqmola oblysynyń keı jerlerinde jeldiń kúshi 15-25 m/s jetip, túnde jáne tańerteń tuman kútiledi.
Jambyl oblysynyń keı jerlerinde jeldiń kúshi 15-20 m/s kúsheıedi, túnde jáne tańerteń sondaı-aq tuman boljanady.
Atyraý oblysynyń keı jerlerinde tuman bolyp, túnde jel 15-20 m/s artady.
Qyzylorda, Aqtóbe oblystarynyń keı jerlerinde jeldiń kúshi 15-20 m/s jetedi.
Mańǵystaý oblysynyń keı aýmaqtarynda tuman kútiledi.
