Sınoptıkterdiń 19 shilde kúngi aýa raıy boljamy
ASTANA. QazAqparat - Atmosferalyq aǵyndardyń ótýine baılanysty 19 shildede Qazaqstannyń basym bóliginde qubylmaly aýa raıy saqtalady. Keı jerlerde jańbyr jaýyp, naızaǵaı jarqyldaıdy, burshaq jaýýy yqtımal, dep habarlaıdy Qazgıdromet.
Respýblıka boıynsha keı jerlerde jel kúsheıip, shańdy daýyl soǵady, soltústikte túnde jáne tańerteń tuman túsedi.
Jambyl, Túrkistan, kúndiz Qyzylorda oblystarynyń keı jerlerinde jeldiń 15-20 m/s kúsheıip, shańdy daýylǵa ulasýy yqtımal.
Aqmola, Soltústik Qazaqstan, Qaraǵandy oblystarynyń keı jerlerinde túnde jáne tańerteń - tuman, kúndiz Qaraǵandy oblysynyń keı jerlerinde jeldiń 18 m/s kúsheıýi kútiledi. Shyǵys Qazaqstan oblysynyń keı jerlerinde jel 15-20 m/s, kúndiz burshaq jaýýy yqtımal. Mańǵystaý, túnde Batys Qazaqstan, Aqtóbe, kúndiz Qostanaı oblystarynyń keı jerlerinde jeldiń 15-20 m/s kúsheıýi kútiledi. Jambyl, Qyzylorda, Mańǵystaý, Atyraý, Batys Qazaqstan oblystarynyń basym bóliginde, Túrkistan, Qostanaı, Qaraǵandy oblystarynyń keı jerlerinde aptap ystyq saqtalady.
Mańǵystaý oblysynda, Qyzylorda, Túrkistan, Atyraý oblystarynyń basym bóliginde, Batys Qazaqstan,, Aqtóbe, Jambyl oblystarynyń keı jerlerinde óte joǵary órt qaýpi saqtalady.
