Sınoptıkterdiń 18 maýsym kúngi aýa raıy boljamy
ASTANA. QazAqparat - Atmosferalyq fronttardyń ótýine baılanysty 18 maýsym kúni Qazaqstannyń basym bóliginde qubylmaly kún raıy saqtalady. Tek batysta jáne ońtústik-batysta jaýyn-shashynsyz aýa raıy kútiledi. Keı jerlerde naızaǵaı oınap, jańbyr jaýady, sondaı-aq kúshti jel, daýyl, burshaq boljanady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Soltústik Qazaqstan oblysynyń keı jerlerinde naızaǵaı, daýyl, burshaq kútiledi. 15-20 m/s ekpinmen soqqan jeldiń jyldamdyǵy kúndiz 23-28 m/s jetýi yqtımal.
Kúndiz Jambyl oblysynyń keı jerlerinde naızaǵaı oınap, daýyl turady, burshaq jaýýy múmkin, jeldiń ekpini 23 m/s kúsheıedi.
Qostanaı oblysynyń keı jerlerinde naızaǵaı, burshaq bolýy múmkin, jel 15-20 m/s jetedi.
Almaty, Ońtústik Qazaqstan oblystarynyń keı jerlerinde 15-20 m/s jyldamdyqpen jel soǵady. Ońtústik Qazaqstan oblysynyń keı jerlerinde naızaǵaı kútiledi.
Qyzylorda, Mańǵystaý oblystarynyń keı jerlerinde jel shańdy daýylmen kóterilip, 15-20 m/s jel turady.
Shyǵys Qazaqstan, Pavlodar oblystarynyń keı jerlerinde naızaǵaı, burshaq bolýy múmkin, jel 15-20 m/s kúsheıedi.
Qaraǵandy oblysynyń, kúndiz Aqtóbe oblysynyń keı jerlerinde jel 15-20 m/s kúsheıedi, Qaraǵandy oblysynyń keı jerlerinde naızaǵaı kútiledi.
Sondaı-aq Mańǵystaý oblysynyń basym bóliginde, Qyzylorda, Atyraý, Aqtobe, Ońtústik Qazaqstan, Jambyl oblystarynyń keı jerlerinde óte joǵary órt qaýpi saqtalady.
