Sınoptıkterdiń 18 qyrkúıek kúngi aýa raıy boljamy
ASTANA. QazAqparat - 18 qyrkúıekte el aýmaǵynyń basym bóliginde antıtsıklon áserinen jaýyn-shashynsyz aýa raıy saqtalady, dep habarlaıdy Qazgıdromet.
Respýblıkanyń batysy men shyǵysynda atmosferalyq aǵyndardyń ótýine baılanyst jańbyr jaýyp, naızaǵaı oınaıdy. Al soltústik óńirdiń keı jerlerinde túnde jáne tańerteń tuman bolýy yqtımal.
Jambyl oblysynyń keı jerlerinde jel turyp, kúndiz jyldamdyǵy 23 m/s jetedi.
Shyǵys Qazaqstan oblysynda keı jerlerde tuman, jel 15-20 m/s kútiledi.
Kúndiz Atyraý oblysynyń keı jerlerinde burshaq jaýýy múmkin, jel 15-20 m/s kúsheıedi, shańdy daýyl bolady.
Kúndiz Qyzylorda oblysynyń keı jerlerinde jeldiń jyldamdyǵy 15-20 m/s jetip, shańdy daýyl soǵady. Mańǵystaý, Aqtóbe oblystarynda, kúndiz Túrkistan, Qostanaı oblystarynyń keı jerlerinde jel 15-20 m/s deıin kúsheıedi.
Soltústik Qazaqstan oblysynda túnde jáne tańerteń keı jerlerde tuman túsedi, kúndiz jeldiń jyldamdyǵy 15-20 m/s jetedi.
Pavlodar oblysynda, túnde jáne tańerteń Aqmola, Qaraǵandy oblystarynyń keı jerlerinde tuman túsýi yqtımal.
Qyzylorda, Túrkistan, Mańǵystaý, Jambyl, Atyraý oblystarynyń basym bóliginde, Batys Qazaqstan, Aqtóbe jáne Qaraǵandy oblystarynyń keı jerlerinde joǵary órt qaýpi saqtalady.
.
