Sınoptıkterdiń 17 maýsym kúngi aýa raıy boljamy
ASTANA. QazAqparat - Atmosferalyq fronttardyń ótýine baılanysty 17 maýsym kúni Qazaqstannyń basym bóliginde qubylmaly aýa raıy saqtalady. Tek batysta jáne ońtústik-batysta jaýyn-shashynsyz kún raıy kútiledi. Keı jerlerde jańbyr jaýady, naızaǵaı oınap, jel kúsheıedi, daýyl men burshaq kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Aqmola oblysynyń keı jerlerinde naızaǵaı oınap, daýyl turady. Jeldiń ekpini 15-20 m/s kúsheıip, burshaq jaýýy múmkin.
Qyzylorda, Mańǵystaý, Atyraý oblystarynyń keı jerlerinde jel 15-20 m/s kúsheıedi, shańdy daýyl bolady.
Almaty, Batys Qazaqstan oblystarynyń keı jerlerinde jel 15-20 m/s artady.
Aqtóbe oblysynyń jekelegen jerlerinde naızaǵaı bolady, kúndiz jeldiń jyldamdyǵy 18 m/s artady.
Kúndiz Jambyl oblysynda naızaǵaı oınap, jel 15-20 m/s jetedi.
Shyǵys Qazaqstan oblysynyń keı jerlerinde sondaı-aq 15-20 m/s ekpinde jel soǵyp, túnde naızaǵaı bolady.
Qostanaı, Soltústik Qazaqstan, Pavlodar, Qaraǵandy oblystarynyń keı aýmaqtarynda naızaǵaı kútiledi, jel 15-20 m/s kúsheıedi, burshaq bolýy múmkin.
Mańǵystaý oblysynda basym bóliginde, Qyzylorda, Atyraý, Aqtobe, Ońtústik Qazaqstan, Jambyl oblystarynyń keı jerlerinde óte joǵary órt qaýpi saqtalady.
