Sınoptıkterdiń 16 aqpanǵa arnalǵan aýa raıy boljamy
ASTANA. QazAqparat - Atmosferalyq fronttardyń ótýine baılanysty 16 aqpan kúni Qazaqstannyń basym bóliginde qubylmaly aýa raıy kútiledi, keı jerlerde qar jaýyp, jel kúsheıedi. Jekelegen óńirlerde burqasyn, tuman kútiledi. Ońtústikte, ońtústik-shyǵysta jáne ortalyqta kóktaıǵaq boljanady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqandaı, Jambyl oblysynyń keı jerlerinde tuman, kóktaıǵaq, 15-20 m/s ekpindegi jel kútiledi.
Soltústik Qazaqstan, Shyǵys Qazaqstan oblystarynyń keı jerlerinde burqasyn, tuman bolyp, jel 15-20 m/s kúsheıedi.
Pavlodar oblysynyń keı jerlerinde túnde 18 m/s ekpindegi jel men jaıaý burqasyn soǵady.
Ońtústik Qazaqstan, Qaraǵandy oblystarynyń keı jerlerinde tuman men kóktaıǵaq bolýy yqtımal.
Pavlodar oblysynyń jekelegen aýmaqtarynda jeldiń kúshi 15-20 m/s artady, kúndiz kóktaıǵaq kútiledi.
Aqmola, Qostanaı oblystarynyń keı jerlerinde jaıaý burqasyn, Qostanaı oblysynda tuman kútiledi.
Qyzylorda, Mańǵystaý, Batys Qazaqstan, Aqtóbe oblystarynyń keı jerlerinde tuman boljanady.
