Sınoptıkterdiń 15 qańtar kúngi aýa raıy boljamy
ASTANA. QazAqparat - 15 qańtar kúni Qazaqstannyń basym óńirinde jaýyn-shashyndy qubylmaly kún raıy kútiledi. Respýblıkanyń keı jerlerinde tuman, kóktaıǵaq, burqasyn jáne kúshti jel boljanady, dep habarlaıdy QazAqparat.
«Qazgıdromet» RMK-nyń málimetine súıensek, Almaty oblysynyń keı jerlerinde tuman, kóktaıǵaq kútiledi. Jalańashkól aýdanynda 18-23 m/s ekpinmen soqqan jeldiń jyldamdyǵy 28 m/s kúsheıedi.
Shyǵys Qazaqstan oblysynyń keı jerlerinde jaıaý burqasyn kútiledi, jeldiń kúshi 15-20, Jarma aýdanynda 25 m/s artady.
Jambyl, Túrkistan, Qyzylorda oblystarynyń keı jerlerinde tuman, kóktaıǵaq boljanady, jel 15-20 m/s kúsheıedi. Jambyl men Túrkistan oblystarynda jel ekpini 23-28 m/s jetýi yqtımal.
Batys Qazaqstan oblysynyń keı jerlerinde tuman, kóktaıǵaq, burqasyn kútiledi, kúndiz jeldiń jyldamdyǵy 15-20 m/s jetedi.
Aqmola oblysynyń keı jerlerin tuman basyp, jaıaý burqasyn júredi. Túnde jáne tańerteń jeldiń ekpini 15-20 m/s kúsheıedi.
Soltústik Qazaqstan oblysynyń keı jerlerinde tuman, jaıaý burqasyn qútiledi, jel 15-20 m/s artady.
Qaraǵandy oblysynyń keı jerlerinde burqasyn, kóktaıǵaq bolady, jeldiń kúshi 15-20 m/s jetedi.
Mańǵystaý, Aqtóbe, Atyraý, Qostanaı oblystarynyń keı jerlerinde tuman kútiledi, Atyraý oblysynyń keı jerlerinde kóktaıǵaq boljanady.
Pavlodar oblysynda jel 15-20 m/s kúsheıedi.
